ઓરા આવોને ધર્મકુમાર રે

by પ્રેમાનંદ સ્વામી

ઓરા આવોને ધર્મકુમાર રે પ્રેમાનંદ સ્વામી

પદ ૭૩૫ મું - રાગ ગરબી

ઓરા આવોને ધર્મકુમાર રે, રાખું મારા નેણામાં,
તમે છો મારા પ્રાણ આધાર રે, રાખું0 ૧
જોવું રસિક સહજાનંદરૂપ રે, છે પાવન પરમ અનૂપ રે... ૨
તમે પ્રગટ્યા અમારે કાજ રે, દીનબંધુ છો ગરીબનિવાજ રે... ૩
હરિકૃષ્ણ હરિ ઘનશ્યામ રે, નીલકંઠ નારાયન નામ રે... ૪
પુરુષોત્તમ પૂરણકામ રે, પ્રેમાનંદના છો સુખધામ રે... ૫

અન્ય સંસ્કરણ

સાખી
શ્રી સહજાનંદ કૃષ્ણ હરિ, (અને) હરિકૃષ્ણ ઘનશ્યામ;
નારાયણમુનિ ધર્મસુત, નીલકંઠ જેહી નામ.
સ્વામિનારાયણ પ્રગટ પ્રભુ, હરિકૃષ્ણ ઘનશ્યામ;
સો સમ હૃદયમેં બસત હું નિત્ય મંગલ કરન અનૂપ.

---

ઓરા આવોને ધર્મકુમાર રે,
રાખું મારા નેણામાં,
તમે છો મારા પ્રાણ આધાર રે,
રાખું મારા નેણામાં... ટેક

જોવું રસિક સહજાનંદરૂપ રે,
છે પાવન પરમ અનૂપ રે... ૧

તમે પ્રગટ્યા અમારે કાજ રે,
દીનબંધુ છો ગરીબનિવાજ રે... ૨

હરિકૃષ્ણ હરિ ઘનશ્યામ રે,
નીલકંઠ નારાયન નામ રે... ૩

પુરુષોત્તમ પૂરણકામ રે,
પ્રેમાનંદના છો સુખધામ રે... ૪