આ પાનાનું પ્રુફરીડિંગ થઈ ગયું છે
કૈવલ્યપદ તમે નિજ સ્વરૂપે, ઈશ્વરપદ છે અનંત;
મોટું સામર્થ્ય માયા-કેરૂં, જ્યાં ઉપજે મિથ્યા જંત. ૩
તે જંત બહુ કામના, રસના માટે જીવ;
દેહ-આસક્તિ તેને અતિઘણી જાણે આયુ વધે થૈયે શિવ. ૪
તે પિંડને બહુ પરભવે[૧], અને કરે તે કર્મ ક્લેશ[૨];
ચિરંજીવ [૩] થાવા હીંડે, મોટો મન ઉદ્દેશ[૪]. ૫
ભૂત ભવિષ્ય વાત લહેવા, ઘણું માન [૫] ને કોડ[૬];
ઈશ થાવાને આશ મોહોટી, સાધે પિંડ મનમોહોડ[૭]. ૬
સિધ્ધિકાજે તે કરે, અતિ ઘણા ઉપાય;
અહંતા વાધે અતિ ઘણી, તેણે જીવજાડેરો[૮] થાય. ૭
માયા સાધે મનવડે, જાણે એજ પરમાત્મપદ.
મમતાતણાં તેણે પડલ ચડે, તેમ તેમ વાધે મદ. ૮
એહવા પ્રકાર અજાતપણા, સાધે જીવ અપાર;
નાટકમાં નર નાચ નાચે, એમ સરાહે સંસાર, ૯
કહે અખો પદ-મૂલગે [૯], પહોંચે નહિ એ જંતને;
મર્મ મૂલગો તેજ પામે, જે સેવે હરિ-ગુરુ-સંતને. ૧૦