અધિષ્ઠાન ઉત્કૃષ્ટ માટે, ચૈતન્યતા ત્યાં અતિ ઘણી;
તેણે અરૂપ ભાસે રૂપસરખું, તેણે અહંતા ઉઠે આફડી[૧]. ૨
તે અહંતા થાય અનંતરૂપે, પ્રોઢી[૨]> થઇને પાંગરે[૩];
તેનો લક્ષ નરને કહું, કો ધીમંત[૪] હૃદયમાં ધરે. ૩
ભાઇ દૃષ્ટાન્ત આવે બુધ્ધિમાં, તો સિધ્ધાન્ત સમજે સહી;
તે દૃષ્ટાન્ત સમજી નવ શકે, તેને ઉકેલ[૫] હોયે નહીં. ૪
જેમ દર્પણ મૂકિયે સામસામા, તે પ્રતિબિંબે[૬] એકએક્માં;
તે અન્યો અન્ય અનંત થાયે, દૃષ્ટ પહોંચે છેકમાં[૭] ૫
તે દર્પણદર્પણમાંહે રચના, દીસે પ્રગટ પ્રમાણ;
એકએકમાં અલગા અલગા. ચંદ[૮]તારા બહુ ભાણ[૯]. ૬
અનંત ભાસે સામસામા, એકના ઉદરમાં એક;
સિધ્ધાંતને તમો એમ જાણો, કહું વસ્તુ-વિવેક. ૭
આદર્શ[૧૦] નિર્મલ અતિઘણું, પરબ્રહ્મસ્થાની[૧૧] તેહ;
તેહમાં અજા આછી[૧૨] અણછતી, ભાઇ આવી ભાસે[૧૩] એહ. ૮
તે અજામધ્ય ઉપાધ્ય[૧૪] બોહળી[૧૫], તે જાણે અહંકૃત્ય[૧૬];
જેમ મુકુરમાં[૧૭] અનંત દીસે રૂપની સંસૃત્ય[૧૮]. ૯
કહે અખો સહુકો સુણો, સંસ્રુત્ય ન ભાસે જંતને;
એ ગીતાનું તે હારદ સ્મઝે, જો સેવે હરિ-ગુરુ-સંતને. ૧૦
પૃષ્ઠ:Akhegita.pdf/૩૩
આ પાનાનું પ્રુફરીડિંગ થઈ ગયું છે