માતાજીના ઊંચા મંદિર
અજ્ઞાત



માતાજીના ઊંચા મંદિર

માતાજીના ઊંચા મંદિર નીચા મોલ,
ઝરૂખડે દીવા બળે રે લોલ !

રાધાગોરી, ગરબે રમવા હાલો,
સાહેલી સહુ ટોળે વળી રે લોલ !

ક્યાં છે મારા રામસીંગભાઈના ગોરી
મુખલડે અમી ઝરે રે લોલ !

ક્યાં છે મારા વીરસીંગભાઈના ગોરી !
હાથલડે હીરા જડ્યા રે લોલ !

ક્યાં છે મારે રૂપસીંગભાઈના ગોરી,
પગલડે પદમ જડ્યા રે લોલ !

માતાજીના ઊંચા મંદિર નીચા મોલ,
ઝરુખડે દીવા બળે રે લોલ !