મારો નવલ સનેહી ઝૂલે નાથ
| મારો નવલ સનેહી ઝૂલે નાથ પ્રેમાનંદ સ્વામી |
| હિંડોળા (અષાઢ વદ ૨ થી શ્રાવણ વદ ૨) |
મારો નવલ સનેહી ઝૂલે નાથ
મારો નવલ સનેહી ઝૂલે નાથ રે, નૌતમ હિંડોળે;
મારું મનડું લોભાણું એની સાથ રે, ફૂલતણે તોરે... ટેક
ફૂલ તણી શિર પાઘ મનોહર, વાઘો તે ફૂલાં કેરો રે;
અંગ અંગ પ્રતિ ફૂલ આભૂષણ, જોઈને મટે ભવ ફેરો રે... મારો ૧
ફૂલી કુંજ કુંજ દ્રુમ વેલી, ચંપા જાઈ ચમેલી રે;
મધુકર ગુંજે મદન ભર્યા, બહુ થઈ છે આનંદ હેલી રે... મારો ૨
વરસે દેવ કુસુમની વરખા, નૃત્ય કરે બહુ ગાયે રે;
પ્રેમાનંદના નાથને નીરખી, આનંદ ઉર ન સમાયે રે... મારો ૩