આ તે શી માથાફોડ !/૮૬. એક પ્યાલે પાણી પીવાય ?
| ← ૮૫. તમે શું ધારો છો | આ તે શી માથાફોડ ! ૮૬. એક પ્યાલે પાણી પીવાય ? ગિજુભાઈ બધેકા |
૮૭. ખજૂર નથી ભાવતો → |
: ૮૬ :
એક પ્યાલે પાણી પીવાય ?
❊
એક પ્યાલે પાણી પીવાય ?
મેં એક જણને ટપારીને કહ્યું: “ભલા, આ છોકરાં એક જ પ્યાલે પાણી પીએ છે તે ઠીક નહિ. એમાં તો એકબીજાના મોંના અને બીજા રોગો એકબીજાને વળગે છે.”
તે કહે: §”એ તો ભાંડરડાં કહેવાય; એનું કાંઇ નહિ.”
મને તેમનું કહેવું સાચું લાગતું નથી.
તમને વાંચનારાઓને શું લાગે છે ?
દાક્તર કહે છે: “એમ ન પીવાય. સૌએ સૌના પ્યાલા જુદા રાખવા, અથવા ખોબાથી પીવું, અથવા અદ્ધરથી પીવું.”
પણ આપણે શું જોઇએ છીએ ? અનેક ઘરોમાં સૌ એકબીજાને પ્યાલે પાણી પીએ છે; કોઇ એ તરફ ધ્યાન પણ આપતું નથી.
મેં પોતે બાલમંદિરમાં અને ઘરમાં તો સૌ સૌના પ્યાલા જુદા રાખ્યા છે; આ વાંચનારાંઓ શું કરશે ? દરેકને માટે પ્યાલો જુદો રાખવો એટલે થોડો જ વધારે ખર્ચ; બહુ જ થોડો. ને મોટો એવો ફાયદો. એકબીજાના ચેપી રોગોમાંથી બચવું અને ચ્વસ્છતા અને શિષ્ટતા બન્ને સાચવવાં. સૌ કોઇ પહેલી તકે સૌ સૌના પ્યાલા જુદા કરી નાખશે ?