આ તે શી માથાફોડ !/૯૬. મતાગ્રહ અને સ્વાતંત્ર્ય
| ← ૯૫. બા અને બાળક | આ તે શી માથાફોડ ! ૯૬. મતાગ્રહ અને સ્વાતંત્ર્ય ગિજુભાઈ બધેકા |
૯૭. પ્રશ્ન કેમ પૂછતો નહોતો ? → |
: ૯૬ :
મતાગ્રહ અને સ્વાતંત્ર્ય
૧
૨
❊
મતાગ્રહ અને સ્વાતંત્ર્ય
હું કહું છું કે રોજ દેવદર્શને જવું જઈએ.
બસ ચોરણી જ પહેર; મને ચોરણી પહેરે તે જ ગમે.
જોને, આમ તે વાળ ઓળાય ? આમ મારી જેમ ઓળ.
તે એમાં શું ? થોડું થોડું મરચું ખાતાં યે શીખવું જોઈએ.
જો ભા, એમ ન બેસાય. એમ બેસીએ તો ભૂંડા લાગીએ.
એમ તે હાથ ધોવાય ? કોણી સુધી ધોવા જોઈએ.
બાજરાના રોટલા ભાવવા જ જોઈએ; મને તો બહુ જ ભાવે છે.
ભાઈ, જેને દેવદર્શને જવું હોય તે જાય.
તને ગમે તે પહેર; ચોરણી ગમે તો ચોરણી ને ઘાઘરી ગમે તો ઘાઘરી.
તને ગમે તેમ વાળ તેં ઓળ્યા, ને મને ગમે તેમ મેં ઓળ્યા.
ભાવે તો મરચું ખા; નહિતર આ શાક છે તે જરા મોળું છે.
જો ભા, આમ બેસીશ ? એમ બેસે તે સૌને જરા જગા વધે. જો આમ ઘસીને હાથ ધો; બગડ્યા હોય તેટલા ધોઈએ.
બાજરાનો રોટલો ન ભાવે તો ઘઉંનો ખા; કોઈકને ન પણ ભાવે.