કલ્યાણિકા/મનબંધન
| ← પ્રભુની પ્રીત | કલ્યાણિકા મનબંધન અરદેશર ખબરદાર |
ઉરની ભરતી → |
મનબંધન
• રાગ કાફી—ત્રિતાલ*[૧] •
મન મારું કેમ વાળું રે ?
હો હરિ ! તુંમાં મન મારું કેમ વાળું રે ? -(ધ્રુવ)
મન મારું કેમ વાળું ? ભમે સદા ભમરાળું;
એ તો ઊંડું ઈંદ્રજાળું રે :
હો હરિ ! તુંમાં₀ ૧
અણઠર્યું બધે ઊડે, જઈ પડે રૂડે ભૂંડે;
પ્રીછે નહીં ધોળું કાળું રે :
હો હરિ ! તુંમાં₀ ૨
નિત્ય નિત્ય નવરંગી, ધડી શાણું કે કુઢંગી;
ટેવ એની કેમ ટાળું રે ?
હો હરિ ! તુંમાં₀ ૩
ઠરે તો એ ઠામ દેખે, જડ્યો જન્મ ન ર્હે અલેખે;
પાંખે એની કેમ ઢાળું રે ?
હો હરિ ! તુંમાં₀ ૪
પાણી કેરો પરપોટો, ઊઠે ખીલે ફૂટે ગોટો :
જાણે પાણી છે નિરાળું રે :
હો હરિ ! તુંમાં₀ ૫
એને તે હું શું પંપાળું ? હતિ ખીલે બાંધું વહાલું :
અદ્દલ મારું ભક્તિતાળું રે !
હો હરિ ! તુંમાં₀ ૬
- ↑ * "મુખડાની માયા લાગી રે." એ મીરાંબાઈના પદની રાહ..