કિલ્લોલ/અમારી પીપર /પીપર સૂકી
< કિલ્લોલ
| ← પીપર કાપી | કિલ્લોલ પીપર સૂકી ઝવેરચંદ મેઘાણી ૧૯૨૯ |
પીપર કોળી → |
હાં રે પીપર સૂકી
હાં હાં રે પીપર સૂકી,
જાણે ભગરી ભેંસ વસૂકી રે
પીપર સૂકી !
હાં રે પીપર સૂકી
હાં હાં રે પીપર સૂકી,
એનાં જોર ગયા સહુ ડૂકી રે
પીપર સૂકી .
હાં રે પીપર સૂકી
હાં હાં રે પીપર સૂકી,
પંખી ગ્યાં માળા મૂકી રે
પીપર સૂકી .
હાં રે પાન ખરિયાં
હાં હાં રે પાન ખરિયાં,
જાણે માનાં બાળક મરિયાં રે
પીપર સૂકી .
હાં રે માળી રોવે
હાં હાં રે માળી રોવે,
વાદળની સામે જોવે રે
પીપર સૂકી.
હાં રે પીપર તરસી
હાં હાં રે પીપર તરસી,
એને કોઇ ન રેડે કળસી રે
પીપર સૂકી.
હાં રે પીપર તરસી
હાં હાં રે પીપર તરસી,
મેહુલિયે ધારા વરસી રે
પીપર સૂકી.