કોઈ મને પ્રભુજી બતાવો રે
| કોઈ મને પ્રભુજી બતાવો રે મીરાંબાઈ |
કોઈ મને પ્રભુજી બતાવો રે
કોઈ મને પ્રભુજી બતાવો રે, મધુવનમાં૦
મધુ રે વનમાં શ્રી ગોકુળમાં, -કોઈ૦
તારી કૃપાનો હું પાર ન પામું,
મનમાં ફરે છે પ્રભુ તનમાં રે. મધુવનમાં૦
હાર જ તૂટ્યો ને શિર જ ભાંગ્યાં,
નીર તો ઝરે છે લોચનમાં રે. મધુવનમાં૦
ઢુંઢત ઢુંઢત વ્રજનારી રે ઢુંઢી,
વ્યાકુળ થઈ મારા મનમાં રે. મધુવનમાં૦
ખોજત ખોજત જગકે લોકો,
હરિ વસે છે હરિજનમાં રે. મધુવનમાં૦
બાઈ મીરાં કહે પ્રભુ ગિરધરના ગુણ,
આવી મળ્યા છે એક પળમાં રે. મધુવનમાં૦