ગુજરાતની ગઝલો/કાફી છે
| ← સનમની નિગાહ | ગુજરાતની ગઝલો કાફી છે [[સર્જક:|]] ૧૯૪૩ |
આત્મજ્ઞાન → |
કતલ આશકને કરવાને નિગાહ તલવાર કાફી છેઃ
વિરહના ઝખ્મને કાજે મર્હમ દિદાર કાફી છે !
પરેશાં દિલ દીવાનાને નથી દરકાર જંજીરની
અમોને યાદ કરવાને હૃદયનો તાર કાફી છે !
નથી તસ્બીહ, નહીં સિઝદા, નહીં મતલબ ક્તિાબોથી;
તસવ્વર દિલ થયું છે આ, બસ ! એ તકરાર કાફી છે,
પરેશાં જોઈને મુજને, ન કર તું ઝુલ્મ,અય ઝાલિમ !
ઈલાજે દર્દ દિલને કાજ ફક્ત તુજ પ્યાર કાફી છે !
નથી મુમકીન, અયે દિલબર ! નિયત બદલે જરા મારી !
ડૂબેલાને બચાવાને, સનમ ! તુજ પ્યાર કાફી છે !
ન જા તું જાન છોડીને, અરે ! આ ફાની દુનિયામાં;
ઝબેહ કરવા મને તુજ ખંજરે ગુફતાર કાફી છે.