ઘટમાં ચાંદો ને ઘટડામાં સૂરજ

ઘટમાં ચાંદો ને ઘટડામાં સૂરજ
ભાણસાહેબ



ઘટમાં ચાંદો ને ઘટડામાં સૂરજ

કાચી રામ કોણે ઘડી તારી કાયા,
ઘટમાં ચાંદો ને ઘટડામાં સૂરજ, ઘટડામાં નવલખ તારા.

ઘટડામાં એરણ ઘટડામાં ધમણ ઘટડામાં ઘાટ ઘડાયો,
ઘટડામાં આંબોને ઘટડામાં કેરી ઘટડામાં વેદ ન વારો. … કાચી.

ઘટડામાં વાડી ને ઘટડામાં ક્યારો, ઘટડામાં પવન ને પાણી,
ઘટડામાં તાળુ ને ઘટડામાં કુંચી, ઘટડામાં ખોલવાવાળો … કાચી.

ઘટડામાં ગંગા ને ઘટડામાં જમુના, ઘટડામાં તીરથ નાયા,
ગુરૂને વચને બોલ્યા લીલમબાઈ, સાચા શબ્દ લાગ્યા પ્યારા… કાચી.