જડબુદ્ધિ જીવ પોં'ચ્યાનાં પરમાણાં
| જડબુદ્ધિ જીવ પોં'ચ્યાનાં પરમાણાં દેવાનંદ સ્વામી |
જડબુદ્ધિ જીવ પોં'ચ્યાનાં પરમાણાં
જડબુદ્ધિ જીવ પોં'ચ્યાનાં પરમાણાં અવિચળ આવિયાં,
જે મુક્ત થયા વ્યાસમુનિએ વિસ્તારી ભેદ બતાવિયા... °ટેક
ધ્રુવ પામ્યા પ્રભુના ધામને, તેણે તજ્યા કપટ છલ કામને,
પામ્યા વૈકુંઠમાં વિશ્રામને... જડ° ૧
જોને ઓધવ લોમષ અમર રહ્યા, મુનિ મારકંડ કાગભુશંડી કહ્યા,
ભજી કૃષ્ણ કલપ બહુ વીતી ગયા... જડ° ૨
સનકાદિક નારદ સરલ મતિ, પ્રહ્લાદ વિભીષણ જોગી જતિ,
જેણે પુરુષોત્તમને કીધા પતિ... જડ° ૩
એ તો ઈશ્વર કોટિમાં ભળિયા, ભજી પ્રગટ પ્રભુને થયા બળિયા,
તેને દેવાનંદનો સ્વામી મળિયા... જડ° ૪