તારે માથે નગારાં વાગે મોતના રે
| તારે માથે નગારાં વાગે મોતના રે દેવાનંદ સ્વામી |
પદ ૧૨ ગરબી.
તારે માથે નગારાં વાગે મોતના રે,
નથી એક ઘડીનો નિર્ધાર,
તોય જાણ્યા નહીં જગદીશને રે.
મોટા મેલીને રાજ મરી ગયા,
જોને જાતાં ન લાગી વાર. - તોય. ૧
તારું જોબન ગયું જખ મારતું રે,
માથે કાળા મતી ગયાં કેશ. - તોય. ૨
અંતકાળે લેવાને જમ આવિયા રે,
તેનો ભાળી ભયંકર વેશ. - તોય. ૩
રોમ કોટિ વિંછું તણી વેદના રે,
દુ:ખ પામ્યો તું દૈવના ચોર. - તોય. ૪
સગાં સ્વાર્થી મળ્યાં સરવે લૂંટવા રે,
તેનું જરાયે ન ચાલે જોર. - તોય. ૫
જીભ ટૂંકી પડી ને તૂટી નાડીઓ રે,
થયું દેહ તજ્યાનું તત્કાળ. - તોય. ૬
દેવાનંદ કહે નવ જાણ્યા મારા નાથને રે,
મળ્યો મનુષ્યનો દેહ વિશાળ. - તોય. ૭