ધન્ય ધન્ય મારા મનને

by પ્રેમાનંદ સ્વામી

ધન્ય ધન્ય મારા મનને પ્રેમાનંદ સ્વામી

પદ ૧૨૪૦ મું

ધન્ય ધન્ય મારા મનને, સ્વામીને સંભારે;
અસત્ય આકારને પરહરી, સત્ય રૂપને ધારે ધન્ય૦ ટેક
મન રે વાણી પહોંચે નહીં, નિગમ નવ જાણે;
તે મૂરતિના અંગને, ચિતવી ઉર આણે...ધન્ય૦ ૧
ઘૂંટણ શ્રી મહારાજના, પિંડી ઘૂંટી ને પાની;
ફણાને આંગળિયું નખ સહિત, નીરખે ભાગ્ય માની... ધન્ય૦ ૨
જમણા અંગૂઠાના નખમાં, ચિહ્ન રાખું સંભારી;
અરુણ તળામાં ઓપી રહી, ઊર્ધ્વરેખા છે પ્યારી...ધન્ય૦ ૩
સોળે ચિહ્ન શોભી રહ્યાં, તળામાંઈ વિશેખે;
અવર કવિ ક્યાંથી વરણવે, પ્રેમાનંદ નિત દેખે... ધન્ય૦ ૪

અન્ય સંસ્કરણ

ધન્ય ધન્ય મારા મનને, સ્વામીને સંભારે;
અસત્ય આકારને પરહરી, સત્ય રૂપને ધારે ટેક

મન રે વાણી પહોંચે નહીં, નિગમ નવ જાણે;
તે મૂરતિના અંગને, ચિતવી ઉર આણે... ૧

ઘૂંટણ શ્રી મહારાજના, પિંડી ઘૂંટી ને પાની;
ફણાને આંગળિયું નખ સહિત, નીરખે ભાગ્ય માની... ૨

જમણા અંગૂઠાના નખમાં, ચિહ્ન રાખું સંભારી;
અરુણ તળામાં ઓપી રહી, ઊર્ધ્વરેખા છે પ્યારી... ૩

સોળે ચિહ્ન શોભી રહ્યાં, તળામાંઈ વિશેખે;
અવર કવિ ક્યાંથી વરણવે, પ્રેમાનંદ નિત દેખે... ૪