૧૪
‘એ બાણનો જવાબ કેમ આપીશું તે ખબર છે ?’ ઉત્તુંગ બોલ્યો.
‘સુબાહુને પાછો મોકલીને.' કોઈએ કહ્યું.
સુબાહુને નહિ; સુબાહુના મસ્તકને પાછું મોકલીને.’ ઉત્તુંગની
આંખમાં અગ્નિ ચમક્યો.
‘એનું મસ્તક કોણ કાપશે ? હું જોઉં છું.’ ઉલૂપી બોલી અને તેના
હૃદયમાં સુબાહુએ વિશાળ સ્થાન લઈ લીધું.
‘મસ્તક કાપીશ એટલું જ નહિ, એ મસ્તકને બાણ ઉપર ચડાવી
સુકેતુની નાવ ઉપર ફેંકીશ.’ ઉત્તુંગે નિશ્ચય દર્શાવ્યો.
વૃદ્ધ સંઘપતિ પથ્થરની બેઠક ઉપર અઢેલી રહ્યા હતા તે એકાએક
ટટા૨ થયા અને બોલ્યા :
‘સુબાહુને કાંઈ કરી શકાય નહિ. પરંતુ આપણા પ્રદેશમાં આવી
ધમકી આપનારને યોગ્ય જવાબ તો આપવો જ જોઈએ.’
‘આ ધમકી નથી. મને પાછો જવા દો. યુદ્ધ કરીને તમારી મૈત્રી
મેળવવા હું ઇચ્છતો નથી.' સુબાહુ બોલ્યો.
‘યુદ્ધથી મૈત્રી નહિ તો વિજય મળવાની અભિલાષા તો ખરી ને ?’
ઉત્તુંગે કહ્યું.
‘ઉત્તુંગ ! મંત્રીમંડળને ઉશ્કેરી તું મારી બાજી બગાડી રહ્યો છે. હું
મૈત્રી માગું છું ત્યારે તું યુદ્ધ અને વિજયની મિથ્યા વાત કરી રહ્યો છે.' સુબાહુ
બોલ્યો.
‘મિથ્યા વાત ? જો આ ત્રીજું બાણ ! સુકેતુ શું કરે છે ? એને તો યુદ્ધ
જ જોઈએ છે. તે આપવા નાગસૈનિકો તત્પર છે.’ ઉત્તુંગ બોલ્યો.
ત્રીજું બાણ હવામાં - વૃક્ષો ઉપર ચમકી અદૃશ્ય થઈ ગયું. તેના
અગ્નિતણખા આગિયાની માફક ઊડતાં વૃક્ષો ઉપર ઠરતા હતા.
‘હવે એક જ વાત. મૈત્રી આપો અગર મને જવા દો.' સુબાહુએ કહ્યું.
‘બેમાંથી એક પણ ન કરીએ તો ?’ ઉત્તુંગે પૂછ્યું.
‘તો આ તમાાં વનનો દાહ શરૂ થશે.' સુબાહુ બોલ્યો.