કદાચ એ ગુલામોના નિઃશ્વાસના પડઘા તો ન હોય ? અંહ ! અશ્રુઓ
તો ખૂટી પણ જાય ! નિઃશ્વાસ ક્યાં ખૂટે ? એ તો સતત જીવંત પ્રવાહ છે
બહાર ફૂંકાતા પવન સરખો. કદી શાંત લાગે છતાંય સતત વહેતી.
ગુલામોના હૃદયની અગ્નિજ્વાળાના એ તણખા ! આટઆટલા ઊઠે
છે, આટઆટલા પ્રકાશે છે છતાં માનવજાત તેને ઓળખતી નથી ! એ
તારાઓ માનવજાત ઉ૫૨ વરસી રહે તો કેવું ! ગુલામોનાં હૈયામાં કેવી આગ
બળતી હશે એનો સહજ વિચાર આવે ખરો !
એક તારો ખર્યો !...
અને જરા ઝબકી આછો પ્રકાશલિસોટો દોરી અદૃશ્ય થઈ ગયો...!
નિમલ્યિ ! એને પડતાં પણ ન આવડ્યું. આ વહાણ ઉપર એ કેમ ન
ઊતર્યો ? વહાણને એણે પોતાના અગ્નિલિસોટાથી ભસ્મ કેમ ન કર્યું ?
ગુલામના હૃદયની આગ પણ ખરતાં ખરતાં ટાઢી પડી જાય છે શું ?
અંધકાર વધ્યો તેમ ઉપરનું સંગીત પણ વધ્યું ! ઉપરના માળમાંથી
આવતું હાસ્ય પણ વધ્યું ! રોમન નેતાઓ આવિર્તથી નાસી છૂટતાં આનંદ
અનુભવતા હતા. અને આનંદ અનુભવવાનો એક જ માર્ગ : ખૂબ ખાવું
અને....માનસિક લોલુપતાને ઉશ્કેરે એવાં સંગીત-નૃત્યનું વાતાવરણ
રચવું !
ઉત્તુંગે હજી હલેસું પકડ્યું ન હતું. હલેસું પકડવા હજી તેને રક્ષકે કહ્યું
પણ ન હતું. રક્ષકની નજર બાજુ ઉપર હોય ત્યારે આસપાસના ગુલામો
છૂપી રીતે ઉત્તુંગ તરફ જોઈ રહેતા. અંધકારમાં હવે સહુનાં મુખ સ્પષ્ટ
દેખાતાં ન હતાં. રાત્રે અડધા ગુલામોને સૂવાની પરવાનગી મળતી. પરંતુ
આજ લાટસમુદ્રને જવાની ઉતાવળમાં સહુ ગુલામોને નિદ્રા
લેવાની મનાઈ હતી; એકેએક ગુલામ એકીઢબે હાથ હલાવીને હલેસાંને
તાલબદ્ધ ગતિ આપતો હતો. ગુલામોનો તાલ ! અને ઉપર નૃત્યવાઘમાં
મશગૂલ બનેલાં મોજી સ્ત્રીપુરુષોના તાલ !
ઓળંગી
ઉત્તુંગે પાસે બેઠેલા એક ગુલામને પૂછ્યું :
‘તું ક્યાંથી આવે છે ?’
ગુલામે સહજ પાછળ જોઈ કાંઈ પણ ન બોલવાની સૂચના ડોકું
હલાવી કરી. રક્ષકના કોરડાનો તેને ભય હતો.
ઉત્તુંગે પાછળ જોયું. ત્યાં પણ એક ગુલામ બેઠેલો જ હતો. એ પણ
હલેસું તાલબદ્ધ રીતે હલાવ્યે જતો હતો. છતાં તેની નજર ઉત્તુંગની નજર
સાથે મળી. વહાણમાં દૂર દૂર રાખેલા નાનકડા દીપક અંધકારને વધારી
સ. ૧૮