આ પાનાનું પ્રુફરીડિંગ થઈ ગયું છે
૮
આ તે શી માથાફોડ
“પણ એ પાણી ચૂંથ ચૂંથ કરે તે મને નો ગમે. આ મારા હાથ એંઠા છે તેમાં. તમે લઈ લ્યો છો કે ?”
“ભલેને પાણી ઢોળતો ! તારું શું જાય છે ?”
“એ મને અહીં બેઠાં બેઠાં કંઈક થઈ જાય છે એ ક્યારનો પાણી ઉડાડ્યા કરે છે, ને મારે માથે ક્યારનો ખડખડાટ કર્યા કરે છે.”
“એ તો પાણીથી રમે છે. નાનાં છોકરાંને પાણીથી રમવું બહુ ગમે. ભલેને બે ઘડી મજા કરે !”
“પાણીથી તે ક્યાંઈ રમત રમાતી હશે ? એમાં તે શી મજા બળી છે ? એલા ગજુડા ! ભાગ્યો કે ? આ વેલણનો ઘા કરીશ હો ? તમે એને લઈ જાવ હો ! એ નહિ ગાંઠે તો પછી મારું ધાર્યું નહિ ઊતરે. પછી મને કાંઈ......”
“આનું તે કરવું શું ?”
બાળકોની દ્રષ્ટિએ
કાગા લઈ ગ્યા !
રમુ નાની હતી ત્યારે એની બા એની પાસેથી કંઈક લેવું હોય તો લઈ લે અને કહે : "કાગા લઈ ગયા, કાગા લઈ ગ્યા !”
રમુએ 'કાગા લઈ ગ્યા !' એનો અર્થ અનુભવથી શોધી કાઢ્યો હશે.
