આ પાનાનું પ્રુફરીડિંગ થઈ ગયું છે
અર્ધદગ્ધ આયા એટલે
૧૪૧
અમલદાર : “એ જસમત, આ છોકરાં ઘરમાં ગડબડ કરે છે તે ફરવા લઈ જા જા, બાગમાં બે ઘડી લઈ જા.”
દરજી : “એ સા......રમ્યે દિ' નહિ વળે. સખણો મર્ય. સખણો !”
અર્ધદગ્ધ આયા એટલે
આયા એટલે એકાદ અર્ધદગ્ધ કાંઈક અંગ્રેજી ભણેલી ને પેટને માટે નોકરી કરનારી બાઈ.
આયા એટલે શેઠને મન બાળકોને સાચવવા રાખવા માટેનું હોશિયાર અને લાયક માણસ !
આયા એટલે શેઠાણીને મન છોકરાંને પોતાનાથી દૂર રાખવા માટેનું સોંપ્યા ઠેકાણું.
આયા એટલે મોટે ભાગે છોકરાંઓને ન ગમે તેવા રૂપરંગની કૃતિ.
આયા એટલે શ્રીમંતને મન ઘરનું એક આવશ્યક ઘરાણું.
આયા એટલે અમીર ઉમરાવોને પદવી શોભાવવાનું એક વધારે સાધન.
આયા એટલે કેળવણીમાં સમજવાનો દાવો કરનારને મન બાળકોને માટે અમે કંઈક કરીએ છીએ એવો સંતોષ લેવાનું સ્થળ.
આયા એટલે વગર કારણે ઘરમાં વારંવાર શેઠશેઠાણી અને અન્ય નોકરો વચ્ચે ખટપટ જગાડનારું પાત્ર.
આયા એટલે શેઠાણીનો શેઠ.