હરિ થાય તે હેત સમઝે, દેહાતીત છે આત્મા;
પરાત્પર[૧] પરબ્રહ્મ કેવળ, તેને ન આવે વાતમાં ૧
અમલ આતમ એક પૂરણ, અખંડિત અવિનાશ;
અજર [૨] અમર અનામ [૩] અવ્યય [૪] પૂરણ જ્યોતિ-પ્રકાશ. ૨
તેને આદ્ય અંત્ય ને મધ્ય નહિ, નહિ જેહને દેશ-કાળ;
છાયા-માયા-વપુ [૫]-વર્જિત, માપરહિત વિશાળ. ૩
અધો[૬] ઊર્ધ્વ [૭] મધ્ય નહિ, નહિ દિવસ ને રાત;
બાલ યૌવન વૃધ્ધ નહિ, ભાઈ તેવડે સર્વે ભાત. ૪
ત્યાં વારિ [૮] વાયુ વસુધા[૯] નહિ, નહિ અનલ [૧૦] ને આકાશ;
સર્વમાંહીને સર્વવર્જિત, નહિ ઉત્પત્તિને નહિ નાશ. ૫
માનવદાનવ [૧૧] દેવ પન્નગ [૧૨], નાગ નહિ નર નાર ;
સર્વ કેરૂં જીવન સદા, પણ સ્પર્શે નહિ લગાર. ૬
તપ્ત [૧૩] શીતલ સુભગ [૧૪] સુંદર, કહ્યો ન જાય તેહ;
મૂલ માપ ન થાય, નહિ પ્રેહ [૧૫] નિસ્પ્રેહ. ૭
ક્ષીર ખટર્સ મધુર મોળું, તીક્ષ્ણ [૧૬] મિષ્ટ ન કહેવાય;
દીર્ઘ લઘુ કે વામ દક્ષિણ, સર્વ વર્જિતનેં માંય; ૮
નીલ [૧૭] પીત [૧૮] કે શામ [૧૯] ઉજ્જ્વળ, રહિત અવસ્થા ચાર [૨૦]
