આ પાનું પ્રમાણિત થઈ ગયું છે.
૧૦૩
ઘુંઘચી (ચણોઠી)ની માળા.

વાર્તા ૫૯.

ઘુંઘચી (ચણોઠી)ની માળા.

એક દિવસ બાદશાહે બીરબલને પૂછ્યું "તમારા શ્રી કૃષ્ણુજી ચણોઠીની માળા કેમ ધારણ કરતા હતા ? શું તેમને મોતીની માળા નહોતી મળતી ?”

બીરબલે કહ્યું “જહાંપનાહ ! શાસ્ત્રમાં લખ્યું છે કે 'જે વરતુ એકવાર પણ સોનાથી તોળાય છે તે બહુજ પવિત્ર ગણાય છે.' એટલે ચણોઠી તો સેંકડો બલ્કે હજારો વાર સોના વડે તળાય છે, એટલા માટે એની પ્રતિષ્ઠા સૌ કરતાં વધારે શા માટે ન હોય ? એજ કારણે શ્રીકૃષ્ણજીએ હીરા મોતીની માળાઓ ન પહેરતાં ચણોઠીની માળા ધારણ કરી હતી."

આ રોકડીયો જવાબ સાંભળી બાદશાહને હસવું આવી ગયું.

વાર્તા ૬૦.

નદી કેમ રડે છે ?

વર્ષાઋતુમાં એક દિવસ જમના કિનારે આવેલા રાજમહેલમાં અકબર સૂતા હતા, એવામાં નદીમાં અણ-



    માટે લખાઈ છે, પણ તેમાં માત્ર એટલો જ ફેર છે કે, આ વાતમાં જેવી રીતે સીતાજીના લંકા નિવાસ પરથી સવાલ પૂછ્યો હતો, તેવી રીતે પેલી બીજી વાર્તામાં બીરબલે બેગમને એવો સવાલ પૂછ્યો કે “દ્રૌપદીના પાંચ ધણી હતા એટલે આપના પાંચ ધણી કયા કયા છે એ બતાવો.” વાંચકોને એક જ પ્રકારની વાર્તાઓ બે વાર વાંચતાં કંટાળો ન આવે એ માટે બીજી વાર્તા અત્રે રજુ કરી નથી.