આ પાનું પ્રમાણિત થઈ ગયું છે.
૧૩૪: છાયાનટ
અને એની આંખ ખૂલી ગઈ !
ક્યાં હતો. એ ?
પેલી ઝૂંપડીમાં જ ! મજૂરસ્ત્રી હજી સૂઈ રહી હતી. કોઈ અસહ્ય રૂંધામણ અને અસહ્ય વાસથી ગૌતમ બહાવરો બની ગયો.
તે ઊભો થયો અને કંઈ પણ વિચાર વગર ઓરડી બહાર દોડી આવ્યો.
પુંકાલીઓનું નૃત્ય અને ઢોળક હજી ચાલુ જ હતું ! કયી ભ્રમણા ? કયું સ્વપ્ન ? કયું સત્ય ?
ચક્રધારી કૃષ્ણમાંથી રાસ રમતો હિંદુ તાબોટા પાડતો. પાવૈયો બની ગયો !
અને મુસ્લિમ પણ એની પાછળ પડે ખરો કે ?
હિંદવાસી !
એની આંખ આગળથી એ નટનું ટોળું ખસ્યું નહિ.
શી રીતે ખસે ? એ જ છાયાનટ આખા હિંદના પડદા ઉપર પથરાઈ ગયો છે !
