આ પાનું પ્રમાણિત થઈ ગયું છે.
:એકતારો:
[૬૫]
સંદેશા મંગાવો સૌના સંદેશા મંગાવો રે
બાપાને સમૈયે કેના સંદેશા મંગાવો રે
સંતને સમૈયે શેના સંદેશા મંગાવો રે! ૧.
સંદેશા વંચાણા સૌના સંદેશા વંચાણા ને
અણ રે વંચાણા થોડા ઉકેલાવી લાવો રે,
શબદ અનોખા એની રૂશનાઈ નોખી બાપા !
લહીઆ ને લેખણ એનાં અકળ કળાવો રે. ૨.
આદુની સમાત્યું કેરા ટિંબા આજ ઊઘડે ને
ઊઘડે અલોપી કબરૂં, મશાલું જલાવો રે;
જતિ ને સતીના જૂના મહાસંઘ માયલા આ
અબધૂત કેરી પૂરી પિછાન કરાવો રે. ૩.
પે'લે ને સંદેશે ફાટો રણ કેરા રાફડા ને
રજપૂત–જાયા જોગી રામા પીર ધાઓ રે;
હિન્દવાણ માથે પંજો પે'લુકો વટાળનો રે
ઝીલનાર હિન્દવા પીરના જુવાર જણાવો રે. ૪.
- ↑ *ઠક્કરબાપાની એકોતેરમી જન્મ-જયંતી પ્રસંગે
