આ પાનાનું પ્રુફરીડિંગ થઈ ગયું છે
દિશા ન સૂઝે, નહીં શાંતિ લાગે,
પ્રસન્ન થાઓ, જગના નિવાસ ! ૨૫
વળી, બધા આ ધૃતરાષ્ટ્રપુત્રો,--
ભૂપો તણા સર્વ સમૂહ સાથે,--
આ ભીષ્મ, આ દ્રોણ જ, સૂત કર્ણ,--
સાથે અમારાય મહાન યોદ્ધા,-- ૨૬
પેસે ત્વરાથી મુખની તમારી
બિહામણી ને વિકરાળ દાઢે;
દાંતો તણાં અંતરમાંહી કોઈ
ચોંટ્યા દીસે ચૂર્ણ બનેલ માથે. ૨૭
નદી તણા જેમ જળપ્રવાહો,
વેગે સમુદ્રો પ્રતિ દોટ મૂકે;
ઝોળો ભર્યા તેમ મુખે તમારાં
દોડે બધા આ નરલોક વીરો. ૨૮
જ્વાળા વિશે જેમ પતંગ પેસે
વિનાશ કાજે અતિવેગ સાથે;
લોકો તમારાં મુખમાંહી તેમ
નાશાર્થ પેસે અતિવેગ સાથે. ૨૯
ગ્રસી બધેથી, બળતાં મુખોમાં
જીભો વડે લોક સમગ્ર ચાટો;
