આ પાનાનું પ્રુફરીડિંગ થઈ ગયું છે
પ્રભો ! તપાવે કિરણો તમારાં
ભરી ત્રિલોકી અતિઉગ્ર તેજે. ૩૦
છો કોણ, બોલો, વિકરાળ રૂપી?
તમને નમું હું, પરમેશ, રીઝો;
પિછણ ઇચ્છું નિજ, આદિદેવ,
પ્રવૃત્તિ જાણી શકું ના તમારી. ૩૧
શ્રીભગવાન બોલ્યા—
છું કાળ ઊઠ્યો જગનાશકારી,
સંહારવા લોક અહીં પ્રવર્ત્યો;
તારા વિનાયે બચશે ન કોઈ
જે આ ખડા સૈનિક સામસામા. [૧] ૩૨
તેથી, ખડો થા, યશ મેળવી લે,
વેરી હણી ભોગવ રાજ્ય રિદ્ધિ;
પૂર્વે જ છે મેં જ હણેલ તેને,
નિમિત્ત થા માત્ર તું, સવ્યસાચી. ૩૩
શું ભીષ્મ,કે દ્રોણ, જયદ્રથેય,
કે કર્ણ કે અન્ય મહાન યોદ્ધા,--
મેં છે હણ્યા, માર તું, છોડ શોક,
તું ઝૂઝ, જીતીશ રણે સ્વશત્રુ. ૩૪
- ↑ [તું ન મારે તોયે.]
