આ પાનાનું પ્રુફરીડિંગ થઈ ગયું છે
તમે શશી, વા, વરુણાગ્નિ, ધર્મ,
પ્રજાપતિ, બ્રહ્મપિતા તમે જ;
મારાં હજારો નમનો તમોને,
નમો નમસ્તેય નમો નમસ્તે. [૧] ૩૯
સામે નમું છું, નમું છુંય પીઠે,
સૌ પાસ વંદું, પ્રભુ, સર્વરૂપ !
અપાર છે વીર્ય[૨], અમાપ શક્તિ,
સર્વે બન્યા, સર્વ નિજે સમાવી. ૪૦
સખા ગણી વેણ અયોગ્ય બોલ્યો,
‘હે કૃષ્ણ, હે યાદવ, હે સખા’—શાં,
ન જાણતાં આ મહિમા તમારો,
પ્રમાદથી કે અતિપ્રેમથીયે. ૪૧
બેઠા, ફર્યા સાથ, જમ્યાય, સૂતા,--
એકાંતમાં કે સઘળા સમક્ષ,
હાંસી કરી ત્યાં મરજાદ લોપી--
ક્ષમા કરો તે સહુ, અપ્રમેય ! ૪૨
તમે પિતા સ્થાવર જંગમોના,
તમે જ સૌના ગુરુરાજ પૂજ્ય;
ત્રિલોકમાંયે તમ તુલ્ય કો ના,
ક્યાંથી જ મોટો? અનુપપ્રભાવી ! ૪૩
