આ પાનું પ્રમાણિત થઈ ગયું છે.
‘હું વરી ચૂક્યો છું.’
૧૬૧
‘આપ શાન્તિથી વાત કરશો તો આપની બધી જ માગણી હું પૂરી કરવા મથીશ.’
‘સેનાપતિ શાન્ત શી રીતે રહી શકે ? એ ગામડિયાએ મારું હડહડતું અપમાન કર્યું છે.’
‘કયો ગામડિયો ?’
‘પેલો જલાલપર–બાદલાથી આવ્યો છે તે, હાથમાં મોટીમસ તલવાર લઈને, એ.’
‘એણે તમારું અપમાન કર્યું ?’
‘તમારી છોકરી મારે બદલે એ જંગલી જડભરતને કાર્તિકેયનો રોલ આપવા માગે છે એ મારું અપમાન નહિ તો બીજું શું ?’
‘એ જલાલપરના જંગલી જડભરતને આપણે સીધોદોર કરી દઈએ.’
‘કેવી રીતે ?’
‘તમે મારું કહ્યું કરો તો.’
‘શું ?’
‘મારી પુત્રી જોડે લગ્ન કરો તો તમે કહો એની ભૂમિકા અપાવું.’
‘છિઃ છિઃ છિઃ’
‘કેમ આમ છિછકારો કરો છો ?’
‘હું તો વરી ચૂક્યો છું, શેઠ.’
‘સાચું કહો છો ?’
‘જી, હા.’
‘કોની જોડે ?’
‘કલા જોડે.’
‘કલાબહેન ?’
‘ના, બહેન નહિ, એકલી કલા જ.’
