આ પાનું પ્રમાણિત થઈ ગયું છે.
નાટકનું ચેટક
૧૭૩
માળા અડબંગ !’
‘મૂંગા રહો, અને અહીંથી ચાલ્યા જાઓ.’
‘હવે રાખ્ય, રાખ્ય, તેં તો બવ રોનક કરી, ખીમચંદ, માળા નાટકિયા કીધા એટલે હાંઉં. એને રાજાપાઠ સીધો મગજમાં જ ચડી જાય.’
‘એટલે તો તને આંયકળેથી પાછા તેડવા આવ્યા છીએ. આવા નાટકવેડા ભગનશેઠને ભલે શોભે. આપણને ગરીબ માણહને આવું ન પોહાય.’
‘કહું છું કે મારા સસરાનું અપમાન ન કરો,’ ખીમચંદે ગર્જના કરી. એમાં કાર્તિકેયનો કડપ ને કરડાકી હતાં.
✽
