આ પાનાનું પ્રુફરીડિંગ થઈ ગયું છે
કવિત
છંદ : કવિત
બંધારણ:
- ચાર ચરણ
- પ્રત્યેક ચરણ માં ૧૬, ૧૫ ના વિરામ થકી ૩૧ અક્ષરો
- પ્રત્યેક ચરણની અંતમાં ગુરૂ વર્ણ હોવો જોઈએ
- યતિ : ૮, ૮, ૮ અને ૭ મા અક્ષરે
ઉદાહરણ :
અંબાડી ઉપાડી છે કે પેચદાર પાઘડી છે,
ખેસ છેડા લટકે કે ઘંટ સુધડાઈ છે;
નાક લાંબુ નવ વેંત છે કે સુંઢ સુંદર છે;
દંતુસર છે કે ડાઢો બાહાર દેખાઈ છે,
ચોખા કંકુ ચાંદલો કે શોભે છે સીંદૂર ભાલ,
પાછળ છે પુંછડું કે કાછડી વળાઈ છે;
દાખે દલપતરામ દેખો દુનીઆના લોકો,
હાથી હુલકરનો કે આતો હાથીભાઈ છે.