આ પાનું પ્રમાણિત થઈ ગયું છે.
હાલ્ય હાલ્ય ને હેવૈયો,
ભાઈને ભાવે રે લાડુ સેવૈયો;
સેવૈયો પડયો છે શેરીમાં,
ભાઈ તો રમશે મા'દેવની દેરીમાં;
દેરીએ દેરીએ દીવા કરું,
ભાઈને ઘેરે તેડાવી વિવા કરું,
વિવા કરતાં લાગી વાર,
ભાઈના મામા પરણે બીજી વાર.
હાં...હાં હાલાં!
હાલ્ય વાલ્યના રે હાકા,
લાડવા લાવે રે ભાઈના કાકા;
હાલ્ય હાલ્ય ને હુવા,
લાડવા લાવે રે ભાઈના ફુઆ:
ફુઆના તો ફોક,
લાડવા લાવશે ગામનાં લોક;
લોકની શી પેર,
લાડવા કરશું આપણે ઘેર;
ઘરમાં નથી ઘી ને ગોળ,
લાડવા કરશું રે પોર;
પોરનાં ટાણાં વયો જાય,
ત્યાં તો ભાઈ રે મોટો થઈ જાય.
હાં...હાં હાલાં!
હાલ્ય વાલ્ય ને હેલ્ય,
વગડે વસતી રે ઢેલ્ય;
ઢેલ્યનાં પગલાં તો રાતાં,
ભાઈના કાકા મામા છે માતા.
હાં... હાં હાલાં!
હાલ્ય હાલ્ય ને હડકલી,
ભાઈને ઓઢવા જોવે ધડકલી.
હાં...હાં હાલાં!
ભાઈ માગે છે વણઝારો,
સવાશેર સોનું લઈ શણગારો;
250
લોકગીત સંચય
