આ પાનાનું પ્રુફરીડિંગ થઈ ગયું છે
૧૨૫
જયા-જયન્ત
- શોધો વિશ્વના છૂપા ભેદ:
- ઉઘાડો હળવે હાથે હૈયાં
- પરમ ભંડારી પ્રકૃતિ માતાનાં
- ને પીઓ તેની અમૃતધારાઓ
- અનેકસર ને અક્ષયઝરણી
- બ્રહ્માંડ સકલ બ્રાહ્મણ કાજે છે;
- ને બ્રહ્મવતી તે સર્વ બ્રાહ્મણ.
- ધાવ્યાથી ધાવણ નહીં ખૂટે.
- પણ કોતરી રાખજો
- હૈયાની કોર ઉપર,
- સુખ તે કલ્યાણ નથી સદા.
એકબ્રહ્મચારી :
- नाहं जानामि केयूरं,
- नाहं जानामि कुंडलम ;
- नूपुरुं चैव जानामि,
- नितं पादाभिवन्दनात्।
- પિતા ! એ શ્લોકનું ભાષ્ય-
જયન્ત : પિતૃઆજ્ઞાપાલક વીરપુત્ર રાઘવ,
- રાજ્યત્યાગી માતૃત્યાગી ભરત જોગી,
- સતિકુલતિલક પરમ સાધ્વી સીતાજી,
- ભક્તશિરોમણી નૈષ્ઠિક બ્રહ્મચારી હનુમાન:
- એ સઘળું સ્હમજાય, કુમાર !
- તો સરલ છે સ્હમજવો
- લક્ષ્મણજીનો એ ભીષ્મ જીવનયોગ.