આ પાનાનું પ્રુફરીડિંગ થઈ ગયું છે
૧૩
જયા-જયન્ત
- જાવ, શોધો ત્યંહીં,
- ને પામો સિદ્ધોનો સદ્બોધ.
- જૂવો સાહેલીઓ ! જૂવો,
- જગતનો જેતા આ મહાજોગી.
- જાણે ઉગે છે આભને આરે
- ભાસ્કરની પ્રભામૂર્તિ.
- વિખરાયેલી ઉડે છે કંઠ ફરતી
- કિરણાવલિ સરિખડી કેશાવલિ.
- ઝળકે છે બ્રહ્મકુમાર સમો ગિરિકુમાર.
- ચાલો, વધાવિયે, સખિઓ !
- ગિરિદેશના યશનો એ જયધ્વજ.
- શિખરશિખરમાંથી જયધ્વનિ જાગે છે. હાથમાં દેવધ્વજ અને બાણકમાન લઈને શંખનાદ ગજાવતો કુમાર આવે છે. જયા કુમારી ત્હેને જયમાળે વધાવે છે.
જયા અને સાહેલીઓ : જય ! જય ! કુમાર ! આવો,
- સાહેલી સહુ ! વધાવો.
- આનન્દ આનન્દ આજે, વિજયવાજે
- દિશદિશ ગાજે:
- યશકુમાર ! આવો,
- સાહેલી સહુ ! વધાવો.
- જય ! જય ! કુમાર આવો.