આ પાનાનું પ્રુફરીડિંગ થઈ ગયું છે
૧૪૬
જયા-જયન્ત
જયા : હવે દેહની કથા ન કરવી.
- જયન્ત ! પારધી મોહ્યો,
- વામાચાર્ય લોભાયો આ દેહકલામાં:
- એવાં નથી, જયન્ત !
- મોહ આંજેલાં બ્રહ્મરાક્ષસી લોચનિયાં
- મ્હારાં કે ત્હારાં હવે.
- હિમગંગામાંથી ઉગારીને મ્હને,
- તે માયાની ગંગામાં ડુબાડવા ?
- આજ સૂધી અંગને અડક્યો નથી તું;
- હવે એ અંગને અભડાવીશ ?
- વિષય ભોગવ્યા નથી નિરખ્યા છે:
- વિષયોમાં તો વિષ છે જગતનાં.
- (અમરાઇમાંથી કોયલ બોલે છે.)
જયન્ત : જયા ! ત્હારા પુણ્યહ્રદયની કોયલ
- બોલતી સાંભળવી હતી મ્હારે.
- બોલી તે 'અહલેક'
જયા : તો હવે ? જયન્ત !
જયન્ત : શિખરોમાં યોગગુફાઓ છે.
- અને તળેટીમાં યે છે બ્રહ્મકુંજો.
- આ મ્હારી હરિકુંજની અમરાઇ
જયા : એમાં અમરો અવતરશે.
