આ પાનાનું પ્રુફરીડિંગ થઈ ગયું છે
૧૫૩
જયા-જયન્ત
- પાળો છો, ઉછેરો છો, લડાવો છો,
- તો તે જ પુત્રભાવના
- પુત્રમૂર્તિ રૂપે પ્રગટે જ.
કાશીરાજ : બ્રહ્મર્ષિનાં આશીર્વચન
- અવતર્યા મ્હારે મહેલે.
મન્ત્રીશ્વર : રાજાપ્રજા ઉભયના પુણ્યસંચયે,
- ને બ્રહ્મર્ષિનાં બ્રહ્મવચને તો
- પ્રભુ પોતે પધારે પૃથ્વીમાં.
વેદશાસ્ત્રી : અખંડ સૌભાગ્ય, રાજમહીષિ !
- પુણ્યાયુષી થાવ રાજકુમાર.
કાશીરાજ : ઉઠીને સત્કારતાં
- પધારો, દેવિ !
- ભાગ્યોદયની ઉષા છો.
- દર્શન કરાવો પ્રજાજનને
- રાજકુટુંબના બાલસૂર્યનું.
મહીષિ : કરો, કરો, મુક્તિપુરીનાં મહાજન !
- પુત્રમાં પિતાનાં દર્શન.
- આ ત્હમારા બાલ મહારાજ.
