આ પાનાનું પ્રુફરીડિંગ થઈ ગયું છે
૪૨
જયા-જયન્ત
- સૌન્દર્યવનની આ કુંજોમાં.
- નવયૈવના અંગો સરિખડી
- શી ફૂલડે ફૂલી છે ફૂલવાડી !
- ઓ નિર્જનતાની નિવાસિની !
- ત્હારો રસદેવ ક્ય્હાં ?
શેવતી : વીણો વીણો ને ફૂલડાંના ફાલ,
- ફોરે એવાં હૈયાં, સખિ !
- ગૂંથો ગૂંથોને ફૂલડાંની માળ,
- ગૂંથો એવાં હૈયાં, સખિ !
કાશીરાજ : (વેલી જૂથની પાછળથી)
- અહોહો ! ફૂલદેવીનું જાણે ગીત !
- વીણ, બોલે ! વીણ સંસારનાં ફૂલડાં
- અનન્તતાના યે ઉઘાડમાં.
શેવતી : સરખી સાહેલી કોઇ વીણવા ન આવે,
- વીણું હું વનને અકેલી રે;
- વીણું અલબેલી હું ફૂલ ફૂલની વેલી, ને
- વીણું ને થાઉં ઘેલી;
- હે ! વીણો એવાં ફૂલડાં, સખિ !
કાશીરાજ : એ ટહુકો ! જગતની કોયલ બોલી !
- પુષ્પ પુષ્પની પાંદડીમાં
