આ પાનાનું પ્રુફરીડિંગ થઈ ગયું છે
૫૩
જયા-જયન્ત
- દેવર્ષિ ! સૃષ્ટિનો સુન્દર મહેલ છે,
- એ મહેલનો હું ફૂલબાગ છું;
- નવરંગ ફૂલડે શોભતો,
- અજબ વાસનાઓ ફોરતો.
- મ્હારૂં નામ 'છે'
દેવર્ષિ: ઉઘડો, ઓ આભના પડદાઓ !
- યોગીના આદેશ છે,
- પાઠવો અદ્ભુત યોગી ભવિષ્યને
(આકાશમાંથી ભવિષ્યકાલ ઉતરે છે)
ભવિષ્ય : યોગીરાજ ! આદેશ.
દેવર્ષિ : બચ્ચા ! શું કરીશ જગતનું ?
ભવિષ્ય : યોગીરાજ ! આદર્શમૂર્તિ છું,
- માનવી ને દેવની યે આશા છું,
- બ્રહ્માંડની હું કવિતા છું,
- પરબ્રહ્મની પ્રસન્નતા છું.
- ઊર્ધ્વ દૃષ્ટિ છું, યોગીન્દ્ર !
- સહુનું મહાઆકર્ષણ,
- સૃજને શિખરે સૂર્ય સમો વિરાજી
- પાઠવું છું કિરનોના દોર
- માનવીને ઝાલી ઉંચે ચ્હડવાને કાજ.