આ પાનાનું પ્રુફરીડિંગ થઈ ગયું છે
૬૬
જયા-જયન્ત
- મ્હારે અન્તર ઉછળે અંકોર,
- જીવન ઝોલે ચ્હડે.
જયન્ત : નથી જીવનનો બોલ જયા ! એ,
- નથી ટહુકો એ આત્મન્નો;
- નથી ઉરઝરણાં, એ ભ્રમરમણા;
- એ ઘોર ધ્વનિ કંઈ વનવનનો.
જયા : બોલે-બોલે છે શિખરોમાં દેવ,
- દેવીઓ હાસ્ય હસે;
- મ્હારા અયુષ્યનો અવશેષ
- શિખરે ને વગડે વસે.
જયન્ત : નથી જગતનો મન્ત્ર જયા ! એ
- નથી ન્હોતરૂં એ અમરોનું;
- નથી પ્રભુપ્રેરણા, એ સહુ ભ્રમણા;
- એ ઇન્દ્રજાળ કંઈ અસુરોનું.
જયા : બોલે -બોલે છે ગિરિઓમાં મોર
- ઢેલડ ટહૂકો કરે;
- મ્હારે અન્તર ઉછળે અંકોર,
- જીવન ઝોલે ચ્હડે.
- મોર ને ઢેલ બોલાવે છે;
- જયન્ત ! હું જાઉં છું શિખરોમાં.