આ પાનાનું પ્રુફરીડિંગ થઈ ગયું છે
૮૯
જયા-જયન્ત
- દુનિયાદાઝ્યાંનો દિલાસો કાશી,
- સંસારમૃત્યુનું સંજીવન કાશી.
- પણ ન લાધ્યું - ન લાધ્યું મ્હને તીર્થમાં
- જગતમાં જે ખોયું છે તે.
ગેબી બોલ : આકાશધરતીને છેડો એ છે,
- જ્ય્હાં જયન્ત ! તું ઉભો છે.
- પૃથ્વીમાં ન લાધ્યું તે આભ આપશે.
જયન્ત : આભ ઉઘડશે, ને આપશે ?
- વસુન્ધરાનાં ભંડાર ખૂટી ગયા ?
- પુણ્યમૂર્તિ વિના પૃથ્વીલોક સૂના થયા ?
- ઓ યક્ષ ! કિન્નર ! વિદ્યાધર !
- ઓ આકાશી સત્ત્વ !
- ઈશ્વરની આણ છે, પ્રત્યક્ષ થાવ.
- કહો; ક્ય્હાં છે મ્હારી જયા ?
દેવર્ષિ : જયન્ત ! આ શો છે સંસારનો ત્રિદોષ?
જયન્ત : ગુરુદેવ ! ઢળી ગયાં આત્માનાં અમૃત,
- ઉડી ગઈ પ્રાણપુષ્પની સુવાસના,
- ઉપડી ગયા આત્મામાંથી યે
- યોગી જનોએ ચ્હાડાવેલા યોગરંગ.
દેવર્ષિ : મધ્યાહ્ને તપતો ભાસ્કરે
- સ્હાંજે ઝંખવાય છે, જયન્ત !