આ પાનાનું પ્રુફરીડિંગ થઈ ગયું છે
૯૫
જયા-જયન્ત
- નિત્યમુહૂર્તના તે પુણ્યોજ્જવળ દિવસે
- અવનીના ઉપર ગૂંથાશે
- બ્રહ્મજ્યોતમાં ક્ષત્રિયજ્યોત,
- ને જન્મશે ઉદ્ધાર આર્યાવર્તના.
- ત્હમારૂં બ્રાહ્મ સૌન્દર્ય -
શેવતી : ને ત્હમારૂં ક્ષાત્ર વીરત્વ -
કાશીરાજ : પ્રેમબાલે ! પૃત્વીને પ્રકાશશે
- ઉભય એક થઇને.
શેવતી : પ્રારબ્ધ ઉઘડશે ત્ય્હારે પૃથ્વીવાસીઓનાં.
કાશીરાજ : બજાવો, ઓ સ્નેહવંશી !
- એ પરમ સૌભાગ્યની બંસી.
- જગતની ઝાડીઓ સૂની છે
- એ ટહુકાર વિના.
શેવતી : શીખી લીધો છે છેડતાં
- એ અજબ માધુર્યનો બોલ.
- પણ એક-એકલી જ હું?
- આંબાની એક ડાળે છે બે કોયલ,
- તો બે ય કોયલ સાથે ટહુકે.
- બોલાવો ત્હમારી યે કોકિલા, રાજેન્દ્ર !
કાશીરાજ : લ્યો આ મુજ આત્માનો બોલ.
