આ પાનાનું પ્રુફરીડિંગ થઈ ગયું છે
૯૬
જયા-જયન્ત
શેવતી : બે નયનમાંથી તેજકિરણો પ્રગટે,
- ને એ પૂર સંગમ પામી
- આત્મા બને એકદૃષ્ટ;
- એમ આપણી બંસીઓ યે
- સંગમ સાધી થઇ એકબોલ.
કાશીરાજ : બોલાવો હવે બ્રહ્મનાદ, દેવિ !
શેવતી : નથી-નથી આવડતો એ હજી.
- કાશીમાં પવિત્ર થઈશ
- ત્ય્હારે ભણીશ કો તપેશ્વરીજી પાસે.
- આજ તો ઉચ્ચારીશ
- પ્રેમનો પરમ ટહુકાર.
કાશીરાજ : સ્નેહનાં તપ -
શેવતી : તપવાની છે જ એ તપશ્ચર્યા
- અક્ષય તૃતિયાની અવધ સૂધી તો.
- જો, જો, વાયદો ન વીતે હો.
- ફૂલડાં કરમાય છે, રાજવી !
- વસન્ત બેઠી, ખીલી,
- ને વીતી યે જશે.
- કોયલ ટહુકે છે વન ભરી;
- સુણશો એનો ગેબી ટહુકાર ?
- જીવનના નવપલ્લવે પલ્લવેલાં
- ઘટા ઘેરી ઘેરી ઘેરાણી છે.
