આ પાનું પ્રમાણિત થઈ ગયું છે.
૫૩
સોનલ ફુલડે સવાર મલકતાં,
સંધ્યાના થાળ ગુલાબે છલકતા,
રજનીમાં ડોલર આવે
સાગર રાણો ફુલડાં ગૂંથી ગૂંથી લાવે–માળા૦
રાત દિવસ બીજાં કામ ન ફાવે,
ગાંડો પિયુજી લાખો ગેંદ ગુંથાવે,
જૂજવાં રંગ મિલાવે
સાગર રાણો ફુલડાં ગૂંથી ગૂંથી લાવે–માળા૦
રીસભરી ધરણી નવ રીઝે,
સ્વામીનાં દાન ત્રોડી ત્રોડી ખીજે,
દરિયો વિલાપ ગજાવે
સાગર રાણો ફુલડાં ગૂંથી ગૂંથી લાવે–માળા૦
યુગ યુગના અણભંગ અબોલા,
સૂના સાગર કેરા હૈયા-હીંડોળા,
ગરીબડો થઈને બોલાવે
સાગર રાણો ફુલડાં ગૂંથી ગૂંથી લાવે–માળા૦