આ પાનાનું પ્રુફરીડિંગ થઈ ગયું છે
( ૬૪ )
ત્હેને પ્રેમભર જો આજ
નિરખી શો રહ્યો રવિરાજ! ૪
છાયામિશ્ર તડકે આમ
રચનાચિત્ર રચ્યું આ ઠામ
તે પર ઊભું તરુવરવન્દ
મન્દ ઝૂકે સમીરે મન્દ, ૫
ત્ય્હાં આ એક તરુને ડાળ
બેઠું શુકનું યુગ્મ રસાળ;
કાન્તા લઈ સમીપે આજ
બોલે મીઠડું શુકરાજ. - ૬
"કાન્તે! આજ દિન આનન્દ
રમિયે આપણે સ્વચ્છન્દ.
જો, આ હાસ કરી રવિરાય
લાંબા કર પસારી આંહ્ય ૭
અલિઙ્ગન ભરે ભરરંગ
ધરણીને ધરી શું ઊમંગ!
ને આ ગાન ગાઈ સમીર
ચૂમે તરુઘટાને ધીર. ૮
ચાલ્યા પ્રેમકેલિતરઙ્ગ
ચોગમ વ્યાપિયો ઉછરંગ;
