આ પાનાનું પ્રુફરીડિંગ થઈ ગયું છે
આલા તે લીલા વનની વાંસલડી
આલા તે લીલા વનની વાંસલડી
એ તો શેરી-શેરીએ વાજંતી જાય
દાદાને અતિ વહાલાં અમીબેન રે
એ તો પરણીને સાસરિયે જાય
એક દિ રોકાઓ મારી દિકરી રે
તમને આપું હું કાલે વિદાય
હવે કેમ રોકાઉં મારા દાદા રે
સાથ મારો સાસરિયાંનો જાય
આલા તે લીલા વનની વાંસલડી
એ તો શેરી-શેરીએ વાજંતી જાય
માતાને અતિ વહાલાં અમીબેન રે
એ તો પરણીને સાસરિયે જાય
એક દિ રોકાઓ મારી કુંવરી રે
તમને આપું હું કાલે વિદાય
હવે કેમ રોકાઉં મારી માડી રે
સાથ મારો સાસરિયાંનો જાય
