આ પાનાનું પ્રુફરીડિંગ થઈ ગયું છે
લીલુડા વનનો પોપટો
મારે તે આંગણે આંબો મ્હોરિયો
આંબલિયાના બહોળા તે પાન
કે લીલુડા વનનો પોપટો
ત્યાં બેસી પોપટ રાણો ટહૂકિયા
જગાડ્યા ત્રણે ય વીર
કે લીલુડા વનનો પોપટો
મેડિયું માયલા મોટાભાઈ જાગિયા
અમારી મોટી તે વહુના કંથ
કે લીલુડા વનનો પોપટો
ઓરડા માયલા વચેટભાઈ જાગિયા
અમારી વચલી તે વહુના કંથ
કે લીલુડા વનનો પોપટો
ઓસરી માયલા નાનાભાઈ જાગિયા
અમારી નાની તે વહુના કંથ
કે લીલુડા વનનો પોપટો