આ પાનું પ્રમાણિત થઈ ગયું છે.
બાળક – મહિમા
- બાળક પ્રભુની અમૂલ્ય બક્ષિસ છે.
- બાળક કુદરતની સુંદરમાં સુંદર કૃતિ છે.
- બાળક સમષ્ટિની પ્રગતિનું એક આગળ પગથિયું છે.
- બાળક માનવકુળનો વિશ્રામ છે.
- બાળક પ્રેમનો પયગમ્બર છે.
- બાળક માનવશાસ્ત્રનું મૂળ છે.
- બાળપૂજા એ પ્રભુપૂજા છે.
- બાળકોને ચાહો ને તમે જગતને ચાહી શકશો.
- બાળકને ચાહો ને પ્રેમનું રહસ્ય સમજી શકશો.
- પ્રભુને પામવો હોય તો બાળકને પૂજો.
- પ્રભુએ જો કોઈ અતિ નિર્દોષ વસ્તુ પેદા કરી હોય તો તે એક બાળક જ છે.
- બાળકની પાસે રહેવું એટલે નિર્દોષતાનો સહવાસ સેવવો. માતાઓ અને પિતાઓ ! તમે બાળકનું નમણું હાસ્ય જોયું છે ? એમાં તમારાં સઘળાં દુઃખોને ડૂબી જતાં તમે કદી અનુભવ્યાં છે ?