આ પાનાનું પ્રુફરીડિંગ બાકી છે
abc
ગરબી ૨૨.
હાં રે ચાલો ડાકોર જઈ વસીયે,
હાં રે મને લેહ લગાડી રંગરસિયે. ... ચાલો. ટેક
હાં રે પ્રભાતના પહોરમાં નોબત વાજે,
હાં રે અમે દરશન કરવા જઈયે રે ... ચાલો.
હાં રે અરપટી પાઘ કેસરીયો વાઘો,
હાં રે કાને કુંડળ સોઈ રે ... ચાલો.
હાં રે પીળા પીતાંબર જરકશી જામો,
હાં રે મોતીન માળા સોઇયેરે ... ચાલો.
હાં રે ચંદ્ર બદન અણિઆળિ આંખો,
હાં રે મુખડું સુંદર સોઈયે રે ... ચાલો.
હાં રે રૂમઝુમ રૂમઝુમ નેપૂર વાજે,
હાં રે મન મોહ્યું મારૂ મોરલિએ રે ... ચાલો.
હાં રે મીરાંબાઈ કહે પ્રભુ ગીરધર નાગર,
હાં રે અંગોઅંગ જઈ મળીયે રે ... ચાલો.
