રંગલો—પચાશ વરસની ન્હાની બાળાક બીબી રંડાઈ બેસે !
વાઘ૦—લાવો તમારી બતક હું ભરી આવું.
કુતુબ૦—લો, ભર લાઓ. (તે જઈને પાણી લાવે છે.)
વાઘ૦—એ તો દેડકો બોલતો હતો.
કુતુબ૦—મેં તો જાના કે વાઘ હે.
વાઘ૦—પાણી પીને ચાલો હવે બેક ઉતાવળા. (ચાલે છે.)
કુતુબ૦—(ચાલતાં) ઠાકોર, તુમકું ક્યા પગાર મિલતા હે ?
વાઘ૦—મને મહિને પચાસ રૂપૈઆ રાવસાહેબ પગાર આપે છે.
કુતુબ૦—જબ તુમકું દુસરી નોકરી પર રખે, ઓર મેરેકું રૂ. ૫૦) કા પાગરકી તુમેરી જગા પર રાવસાહેબ ના રખે ? હમબી તુમારે જેસી એક તલવાર રખેગા; ઓર હમકુ ઘોડે પર બેઠનેકુંબી આતા હે.
રંગલો—
स्वशक्तिनो संभव ते न जाणे,
अनेक वाते अभिलाख आणे;
मानी जनो थै मगरुर माले,
કુતુબ૦—હમબી સબ કામમેં વાકેફગાર હે.
રંગલો૦—તમે વાઘજી સાથે કુસ્તી કરીને તેને જીતો, તો તેની જગા તમને મળે.
કુતુબ૦—દેખ્યા તેરા વાઘલા. એક વાઘલા તો ક્યા ? લેકીન વાઘલા જેસા દસકે સાથ એકી બખ્ત મેં કુસ્તી કરૂં.
વાઘ૦—(સાંભળીને ચમકે છે.)
રંગલો—
तेजी चमके चाबुके, टूंकारे रजपूत;
- હવે રજપૂતનો દીકરો બાયલાની પેઠે સાંભળી રહેશે નહિ.
વાઘ૦—આવો ત્યારે, આ મેદાનમાંજ આપણે બે કુસ્તી કરીએ.
કુતુબ૦—આ જાઓ અબ.
રંગલો—
डरे दिले दूरथी देडकाथी,