આ પાનું પ્રમાણિત થઈ ગયું છે.
૨૪
૪, સોણલાંનાં સાળુડે છંટાણા રંગછાંટણાં;
સોણલાંનાં ધરતીમાં ઉઘડ્યાં ફૂલ, રાજ !
સોણલાં આવે આયુષ્યની વસન્તના.
સોણલા સજીવન છાંટે સંસારને;
સોણલાંનાં મનનાં મોતી સમા મૂલ, રાજ !
સોણલા આવે આયુષ્યની વસન્તનાં,
પ, તેજ કેરી અંગુલિ અનન્તને આલેખતી;
કેવી વીતે આજ ને કેવી જશે કાલ, રાજ !
સોણલાં આવે આયુષ્યની વસન્તનાં.
દિશાઓની દ્હેરીએ ચ્હડી સૂર્ય થંભીને
કાળમન્ત્ર લખતો વસુંધરાને ભાલ, રાજ !
સોણલાં આવે આયુષ્યની વસન્તનાં.
૬, સોણલાં બાંધે ત્રિકાળને તોરણો,
સોણલાં સરજે નવા સંસાર, રાજ !
સોણલાં આવે આયુષ્યની વસન્તનાં.
આજ મ્હારે આકાશ આંગણે ઉતરે;
આજ મ્હારે ઉગે નવસૃજનના સ્હવાર, રાજ !
સોણલાં આવે આયુષ્યની વસન્તનાં.
♣
