આ પાનું પ્રમાણિત થઈ ગયું છે.
૮૦
મીટ મંહી કેડીઓ ને મારગોને પી જતી;
આકાશ આંખમાં શમાવે:
કે દીઠી મ્હેં તો બ્રહ્મચારિણી રે.
દેવપાંખ સમી એને કુંપળો છાયા કરે;
ફૂલડાં સુગન્ધ ઢોળી લાડે:
કે દીઠી મ્હેં તો બ્રહ્મચારિણી રે.
ઓશરી ને ઓરડે, વિશાળ નગરચોકમાં,
બધે બ્રહ્મપગલીઓ પાડે:
કે દીઠી મ્હેં તો બ્રહ્મચારિણી રે.
દુનિયાની દીવડી શી ઝીણું ઝીણું ઝગમગે;
ભાવીના થાળ ઉરમાં ભરી:
કે દીઠી મ્હેં તો બ્રહ્મચારિણી રે.
જગતની જ્યોત ! જગઅજવાળણ તાહરા
પૂરજો મનોરથો શ્રી હરિઃ
કે દીઠી મ્હેં તો બ્રહ્મચારિણી રે.
આંગણતળાવડીની પાળે
કે દીઠી મ્હેં તો બ્રહ્મચારિણી રે.
♣
