આ પાનું પ્રમાણિત થઈ ગયું છે.
માથાંપગ ભીંતે અડકે;
સૂવું પડે કાં તો સડકે.
રસ્તા પહોળા ને હૈયાં ટૂંકાં,
પોસાય ના મહેમાન;
સગુંવહાલું ભૂલચૂકથી આવ્યું –
નીકળી જાયે જાન !
બધા જીવ બળિયલ પાપી;
પરોણાગતને ઉથાપી.
નાટક ખેલ સિનેમા સટ્ટા
હોટલ ખાણાં ને ચા,
ઊજળા ઠગ ને હસતી વન્ત્રી
જોઈએ તો શહેરમાં જા !
રોગે પછી રોજ તું સડસડજે
વિના મોત એક દી મરજે !
ખેતર ઝૂંપડી ગામડું છોડી
શહેરમાં ખોળે સુખ;
ભૂલ્યા, ન સમજે શહેરને લાગી
બ્રહ્મરાક્ષસની ભૂખ !
તને કાચો કાચો ગળશે.
તોયે એની ભૂખ ન ટળશે !
ચાલ્યો તું તો શહેરમાં :૧૨૫
